Kənddə sərbəst və dayanıqlı sahibkarlıq təbəqəsinin formalaşdığı, kiçik və orta sahibkarlığın inkişafına şəraitin yüksək səviyyədə olduğu barədə sabiq kənd təsərrüfatı naziri, hazırda baş nazirin müavini vəzifəsində çalışan İsmət Abbasovun raportları vaxtın-zamanın süzgəcindən keçə bilmədi. Məlum oldu ki, belə məlumatların yayılmasında məqsəd əslində ölkə rəhbərliyinin diqqətini aqrar sahədə yol verilmiş nöqsanlardan və korrupsiya hallarından yayındırmaq olub.

Aqrar sahədə bu gün mövcud olan çatışmazlıqların aradan qaldırılması üçün yeni rəhbərlik tərəfindən gərəkli tədbirlər görülür. Bütövlükdə isə ölkə rəhbərliyi kənd təsərrüfatında köklü dəyişikliklərin aparılması üçün geniş tədbirlər planı həyata keçirməkdədir. Aqrar sektorun idarəçilik mexanizmləri sürətlə dəyişdirilir. yeniləşdirilir. Başqa sözlə desək, Heydər Əsədov əslində işə sıfırdan başlamaq məcburiyyətində qalıb. Bəs, İsmət Abbasobdan qalan yaxşı nəsə varmı? Əlbəttə, var, əgər buna yaxşı demək olarsa...Kənd təsərrüfatı üçün əldə edilmiş müasir texnika və texnologiyalar şəbəkəsinin işlək vəziyyətdə olmaması, inkişafın yalnız arxalı və oliqarx məmurların çevrəsinə aid təsərrüfatları əhatə etməsi, orta və kiçik sahibkarlıq subyektlərinin isə belə bir qayğıdan faktiki məhrum edilməsi real vəziyyəti əks etdiriridi. Kənd təsərrüfatı məhsulları istehsalçılarına dövlət tərəfindən edilən birbaşa yardımlara göz dikilirdi. Fermerlərə yanacaq və motor yağlarına, həmçinin buğda və çəltik səpininə görə hər il ayrılmış yarım milyard manatdan artıq vəsaitin düzgün bölüşdürülməməsi və bu sahədə "pripiska" hallarının artması fərdi təsərrüfatların inkişafında demək olar ki heç bir irəliləyişə gətirib çıxarmayıb. Bütün bunlar aqrar sahənin sabiq patronu ilə yerli icra strukturlarının bərabər fəaliyyətsizliyinin, daha doğrusu sövdələşməsinin məntiqi nəticəi idi. Etiraf etməliyik, Heydər Əsədov nazir təyin olunduğu təxminən 2 ilə yaxın bir müddət ərzində öz sələfinin dəhşətli "mirasından" hələ də yaxa qurtara bilmir. İsmət Abbasovun nazirlikdəki yaxın ortaqlarının işdən kənarlaşdırılması,ölkə rəhbərinin aqrar sahəyə dövlət qayğısının artırılmasına nəzarəti gücləndirməsi, inkşaf vəd edən yeni qərarlar və fərmanlar verilməsi aqrar sahədə vəziyyətin düzələcəyinə inamı da artırıb.Lakin İsmət Abbasova qarşı hələ ki,heç bir rəsmi ittiham irəli sürülməyib. Halbuki, buna ciddi əsaslar var. Fermer təsərrüfatlarının kreditləşməsi, yeni texnika ilə təminatı, əkin sahələrinin məhsuldarlığının aşağı düşməsi, yalançı raportlar-bütün bunlar sübut edir ki, sabiq kənd təsərrüfatı nazirinə qarşı ara-sıra irəli sürülən ciddi ittihamlar konkret məlumatlara söykənir. Sabiq nazir Almaniyadan gətirilmiş cins inəklərin fermerlərə müəyyən edilmiş qiymətlərdən baha satılmasında da suçlanır. Qeyd edək ki, qarşılıqlı razılığa əsasən Almaniyadan hər il gətirilmiş, regional bazada karantin vaxtını bitirmiş minlərlə baş cins inəyin fermer təsərrüfatlarına lizinq yolu ilə satışı nəzərdə tutulubsa da, bu imkandan heç də hamı yararlanmaq iqtidarında olmayıb. Niyə bu məsələnin təfərrüatlarından danışan yoxdur. Bu da bir yana, cins inəkləri müəyyən əlaqələr hesabına baha qiymətlərə əldə etmək şansı qazanmış fermerlər də sonradan peşman olduqlarını etiraf edir. Belə ki, İsmət Abbasovu xaricdən gətirilmiş bu mal-qaranın sağlamlığı ilə bağlı edilən qanunsuzluqlarda suçlayırlar. Fermerlərin səsinə səs verən bəzi digər mütəxəssislər də İsmət Abbasovun Almaniyadan xəstə heyvanların çox baha qiymətə gətirilməsinə göz yumduğunu təsdiqləyirlər. Bundan əlavə, ölkədə taxıl istehsalında şişirtmələrə yol verilməsi faktları da üzə çıxıb. Şübhəsiz, sabiq kənd təsərrüfatı naziri ciddi və əsaslı kompromatların qarşısında duruş gətirmək gücündə deyil. İnək saxtakarlığı isə subsidiyalar və yeni texnikanın bölüşdürülməsi ilə bağlı digər yeyintilərlə yanaşı sabiq nazirin ən yaralı yeri sayıla bilər. Əvvəllər də tez-tez gündəmə gələn bu məsələnin yenidən ciddiləşməsi hazırda baş nazirin müavini olan İsmət Abbasovu çətin vəziyyətə salıb. Belə ki, adı dəfələrlə oxşar "məsələlərdə" hallanan sabiq nazirin yaxın zamanlarda cəzalandırılacağı gözlənilir.Onun ölkə rəhbərliyi qarşısında özünü təmizə çıxarmaq cəhdləri isə heç bir nəticə verməyib. Belə ki, İsmət Abbasovun artıq növbəti dəfə ən yüksək səviyyədə sorğu-suala çəkildiyi barədə ciddi informasiya var. Söhbət Nazirlər Kabinetinin yaxın iclaslarından birindən dərhal sonra İsmət Abbasovun nəzarətə götürüləcəyindən gedir. Məlumatlı mənbənin bildirdiyinə görə, İsmət Abbasovun dövlətə vurduğu ziyan artıq müəyyənləşdirilib və bununla əlaqədar ondan müvafiq hesabat istənilib. Yaxın günlərdə bu məsələ ilə bağlı araşdırmalara başlanacağı istisna edilmir. Bu isə baş nazirin müavini üçün son dərəcə arzuolunmazdır. Məlumata görə, İsmət Abbasov onu 2 ildir ki, "izləyən" bu problemdən yaxasını qurtara bilməyəcək. Belə ki, artıq indidən onun kənd təsərrüfatı naziri işlədiyi illərdə öz əmri ilə təsdiq etdiyi bir neçə saxta sənədin surəti üzə çıxıb.Nazirlikdə əl-əl gəzən bu sənədlərin nüsxələrinin mətbuata çıxarılmasının İsmət Abbasov üçün nə demək olduğunu isə izah etməyə bizcə ehtiyac yoxdur. \\ gundelik-baku.com \\