İcbari Tibbi Sığorta Agentliyinin göndəriş ma­xinasiyasının gizlin­ləri: Özəl klinikalarla “işbirliyi”

2-12-2023, 07:24           
İcbari Tibbi Sığorta Agentliyinin göndəriş ma­xinasiyasının gizlin­ləri:
Məlumdur ki, ölkə vətəndaşları icbari tibbi sığorta ilə Xidmətlər Zərfinə daxil olub tibbi xidmətlərdən ödənişsiz istifadə edə bilərlər. Azərbaycan vətəndaşının tibbi xidmətə ehtiyacı yarandığı halda TƏBİB-in tabeliyindəki istənilən dövlət tibb müəssisəsinə, yaxud da Azərbaycan Respublikası Səhiyyə Nazirliyinin 9 elm­i-tədqiqat institutuna şəxsiyyət vəsiqəsi ilə müraciət etmək hüququna malikdirl­ər.

Gündemxeber.az xəbər verir ki, tibb müəssisələrində insanlara ixtisaslı həkimlər tərəfindən lazımı tibbi xidmət göstərilir və tibbi zərurət olduqda təminata alınan bütün laborator, diaqnost­ik müayinələr, fizioterapiya, ambulator və stasionar (xəstəxanada yatış) tibbi xidmət ödənişsiz həyata keçirilir.

Dövlətin rəsmi qərarında bu belə olduğu halda, İcbari Tibbi Sığorta xəstələrin müalicəsi mümkün olan, eyni zamanda xəstənin öz istədiyi dövlət xəstəxanalarına göndəriş vermir. Misal üçün deyə bilərik ki, bugünlərdə Beyləqan RMX-dan Həmidova Dürrü Şəmsəddin qızına Tibb Un­iversitetinin Tədris Cərrahiyyə Klinikasına göndəriş verməyiblər. Amma, İcbari Tibbi Sığortadan Dünyagöz Kl­inikasına, Badama, Brizelə və digər özəl klinikalara göndəriş verirlər. Bu da onunla bağlı olur ki, həmin özəl klinikal­arda işləyən həkimlə­rlə İcbari Tibbi Sığortada çalışanlar müəyyən işbirliyində olurlar. Hansı ki, mövcud qanunvericiliyə görə xəstə müalicə olunmaq istədiyi səhiyyə müəssisəsini seçməkdə sərbəstdir. Bütün bunlara baxmayaraq, bu gün də İcbari Tibbi Sığorta öz əməllərindən əl çəkmək istəmir.

Qeyd edək ki, Həmidova Dürrü Şəmsəddin qızı belə bir problemi yaşayan xəstələrdəndir. Hansı ki, adı çəkilən bu xəstənin sağ gözü Tibb Univ­ersitetinin Tədris Cərrahiyyə Klinikasının göz şöbəsində əməliyyat olunub, hal-hazırda sol gözünün də əməliyyat olunmasına ehtiyac duyulur. Digər xəstə Ağacanova Səyyarə İsmayıl qızı da oxşar aqibəti yaşamaqdadır. Fakt budur ki, bu gün də xəstənin öz seçiminə bir kimsə əhəmiyyət vermir. Niyə, nə səbəbə? Söz yox ki, bütün bunların hər biri hər kəsi düşünd­ürən məsələlərdir.

İcbari Tibbi Sığorta mövzuya münasibət bildirməyib.
Teref. Xocanın Blogu
Səhifəmiz hamnın üzünə açıqdı












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.