“Qarabağ ermənilərinin siyasi gələcəyi yoxdur... Ermənistan TÜRKİYƏ və AZƏRBAYCANLA vasitəçilərsiz, deyil, birbaşa əlaqə saxlamalıdır”.

Bunları Türkiyənin “Ahval” ingilis dilli saytına müsahibəsində tanınmış erməni tarixçisi və siyasətçisi, ABŞ-ın Miçiqan universitetinin Tarix bölümünün rəhbəri, professor Jirar Libaridyan deyib.

Onun “müsahibənin əsas tezisləri:

-Rusiyanın Qarabağdakı davranışı Türkiyəni ABŞ və NATO-dan uzaqlaşdırmaq, Azərbaycanla birlikdə özünə daha da yaxınlaşdırmaq məqsədi güdən diplomatik səylərdir.
-Öz növbəsində Türkiyə Rusiyanın ənənəvi təsir dairəsi sayılan regionda nüfuzunu qüvvətləndirir. Türkiyə bölgəyə hərbi gücləri ilə gəlir və kimsə bunun qarşısını ala bilməz.
-Laçın dəhlizinə nəzarəti ələ keçirməklə Rusiya regiondakı təsirini daha da artırır. Eyni zamanda həm Azərbaycan, həm də Ermənistan üçün problem yaratmaq imkanı qazanır.
-Rusiya ermənilərin Dağlıq Qarabağa qaytarılması məsələsində maraqlı olacaq, əks-təqdirdə rus sülhməramlılarının regiondakı fəaliyyətinə lüzum qalmır.
-əvvəllər Dağlıq Qarabağ erməniləri Ermənistandan idarə olunurdu. İndi isə onlar təxminən Türkiyə erməniləri ilə eyni vəziyyətə düşəcəklər: yəni dillərini, məktəblərini, kilsələrini qoruyub saxlayacaq, lakin siyasi gələcəklərini itirəcəklər.
-ermənilər Türkiyə və Azərbaycanla beynəlxalq güclər vasitəsi ilə deyil, birbaşa əlaqələr yaratmalıdırlar”.

prof. Vilayət Quliyev