Partiya sədrindən qalmaqallı açıqlama: “Azərbaycanda insanlar sovet hakimyyəti qurulanadək savadsız idilər”

24-01-2021, 10:00           
Partiya sədrindən qalmaqallı açıqlama:
Klassik Xalq Cəbhəsi Partiyasının sədri Mirmahmud Mirəlioğlu ilə Azərbaycan Kommunist Partiyasının sədri Rauf Qurbanov arasında təşkil olunan debatda qalmaqal yaşanıb.



Pravda.az-ın xəbərinə görə, R.Qurbanovun sovet hakimiyyəti ilə bağlı səsləndirdiyi müsbət fikirlər M.Mirəlioğlunu əsəbiləşdirib.



Rauf Qurbanov: Azərbaycan xalqı sosializm cəmiyyətində nailiyyətlər əldə edib. Bu, danılmaz faktdır. Sovet dövründə Azərbaycanda savadsızlıq ləğv edildi.



M.Mirəlioğlu: İnsanlarımız sovet hökuməti qurulana qədər savadsız idi?



R.Qurbanov: Təbii...



M.Mirəlioğlu: Siz nə danışırsınız?! Tarix oxumamısınız?!



R.Qurbanov: Eyforiyaya qapılmayaq...



M.Mirəlioğlu: Bolşevik kimi danışmayın. Heç olmaya, müasir kommunist kimi danış.



R.Qurbanov: Sovet hakimiyyəti ədalətli cəmiyyəti yaratmışdı, bir sinfin digər sinif üzərində ağalığına son qoymuşdu. Hər bir vətəndaşın təhsil, yaşamaq üçün dövlət tərəfindən təminatalma hüququ vardı.



M.Mirəlioğlu: “Azərbaycanda yalnız sovet hakimiyyəti dövründə ziyalılar olub” ifadəsi kökündən yanlışdır”.



R.Qurbanov: Etiraf edirsiniz ki, Zeynalabidin Tağıyevi kimlər oxudub?



M.Mirəlioğlu: Bizim insanlarımızı 1930-cu illərdə niyə repressiya etdilər? Bunun Sizə aidiyyatı yoxdur, mənsub olduğunuz ideologiyaya aiddir. Ən savadlı insanlarımızı güllə-boran etdilər. Bunu çox yaxşı bilirsiniz. Kommunist Partiyası insanların halalına haram qatdı, dindarları məhv etdilər. Xocalı, 20 yanvar faciəsini yada salın.шаблоны для dle 11.2












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.