Azərbaycanda adambaşına düşən orta aylıq xərcin miqdarı 16.6 faiz artıb...

İqtisadçı-ekspert: “Azərbaycanda adambaşına düşən orta aylıq xərcin miqdarını artmasını kəskin hesab etmirəm”.

Bu sözləri iqtisadçı-ekspert Eldəniz Əmirov Azərbaycanda adambaşına düşən orta aylıq xərcin miqdarının artmasını Poliqon-a şərh edərkən qeyd edib.

Qeyd edək ki, Dövlət Statistika Komitəsinin açıqladığı məlumata görə Azərbaycanda adambaşına düşən orta aylıq xərcin miqdarı 16.6 faiz artıb. Belə kəskin artımın səbəbini nədir və istər istehlak, istərsə də xidmət qiymətlərinin artımının qarşısını almaq üçün hər hansı yol varmı?

Mövzunu Poliqon-un əməkdaşı iqtisadçı-ekspert Eldəniz Əmirov ilə müzakirə edib.

Eldəniz Əmirov: “Əhalinin gəlirlərində olan artımlara, inflyasiyanın səviyyəsinə biz baxsaq görərik ki, 16.6 faizlik xərclərin artması təxminən gözləniləndir”.

Əhali gəlirlərinin 50 faizdən yuxarısını məhz ərzaq məhsullarına sərf etdiyini xatırladan ekspert Poliqon-a açıqlamaslnda vurğulayıb ki, ərzaq məhsulları üzrə olan infilyasiya da daha yuxarıdır:

“Azərbaycanda adambaşına düşən orta aylıq xərcin miqdarını artmasını kəskin hesab etmirəm. Çünki artım faizi 16.6 faizdir. Eyni zamanda infilyasiya da kifayət qədər yuxarı həddədir. Əlavə olaraq da, əhalinin gəlirlərində də müəyyən qədər artım var. Yəni, əhalinin gəlirlərində olan artımlara, inflyasiyanın səviyyəsinə biz baxsaq görərik ki, 16.6 faizlik xərclərin artması təxminən gözləniləndir.

Nəzərə almalıyıq ki, əhali gəlirlərinin 50 faizdən yuxarısını məhz ərzaq məhsullarına sərf edir. Ərzaq məhsulları üzrə olan infilyasiya da daha yuxarıdır. Məsələn orta infilyasiya ötən il 13,9 faiz olub, amma ərzaq infilyasiyası 20 faizin üzərində olub. Əhali də xərclərinin böyük hissəsini ərzaq üçün istifadə etdiyindən ümumi nəticədə xərclərin artımı gözlənilən idi.

Buna görə də bir daha təkrarlayım ki, inflyasiyanı nəzərə alsaq, 16.6 faiz xərcin artması çox deyil”.

Nərminə UMUDLU