İlham Zəkiyev: "Paris-2024-də təşkilatçılıq bərbad idi"

10-09-2024, 16:24           
İlham Zəkiyev: "Paris-2024-də təşkilatçılıq bərbad idi"
"Bu mənim iştirak etdiyim 6-cı Paralimpiya Oyunları idi".

Oxu.Az xəbər verir ki, bunu Heydər Əliyev Beynəlxalq Aeroportunda qarşılanma mərasimində Paris-2024 Yay Paralimpiya Oyunlarında iştirak edən Azərbaycan millisinin paracüdoçusu İlham Zəkiyev deyib.

J1 kateqoriyasında 90+ kq-da bürünc medal qazanan Zəkiyev yarışla bağlı təəssüratlarını bölüşüb:

"Zədələrim ucbatından uzun müddətdir müalicə alırdım. Buna görə də istədiyim kimi hazırlaşa bilməmişdim. Lakin bütün bunlara baxmayaraq Vətənə bürünc medalla döndüyüm üçün çox xoşbəxtəm. Birinci görüşdə fransalı rəqibimə qarşı mübarizə apararkən hakimlərin tərəfkeşliyi hiss olunurdu. Qələbəmi vətənimə və xalqıma həsr edirəm. Fransada keçirilən Paralimpiya Oyunlarının təşkilatçılığı isə bərbad idi".

Qeyd edək ki, ölkəmiz turnirdə 7 növdə 18 idmançı ilə təmsil olunub. Yığmamız Paris-2024 Yay Paralimpiya Oyunlarını 11 medalla (4 qızıl, 2 gümüş və 5 bürünc) başa vurub.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru