Hillari Klinton prezident seçkilərinə qatılacağını istisna etmir – 2020-ci ildə
31-10-2018, 07:27
Amerika Birləşmiş Ştatlarının (ABŞ) sabiq dövlət katibi Hillari Klinton 2020-ci ildə bu ölkədə keçiriləcək prezident seçkilərində namizədiyini irəli sürəcəyini mümkün hesab edir.
Bu barədə xəbəri «RİA Novosti» agentliyi yayıb.
«Yaxşı, mən prezident olmaq istərdim. Mən fikirləşirəm ki, qarşımızda çox-çox işlər durur, ümid edirəm ki, 2021- ci ilin yanvarında Oval kabinetdə demokrat oturacaq» – deyə, Klinton «Rekode» informasiya resursuna müsahibəsində bəyan edib.
O, həm də əlavə edib ki, «bacardığı hər şeyi etməyə hazırlaşır ki, 2021-ci ilin yanvarında Ağ Evə demokrat gəlsin».
Bundan əvvəl, 2017-ci ildə Prezident Donald Tramp bəyan etmişdi ki, Hillari Klintonun 2020-ci ildə keçiriləcək növbəti seçkilərdə namizədliyini irəli sürəcəyinə «ümidli»dir.
azpolitika
