Amerika lideri Donald Tramp "Twitter"də Birləşmiş Ştatlardan ixrac edilən kənd təsərrüfatı məhsullarına qarşı tətbiq olunmuş rüsumları dərhal aradan qaldırmaq xahişi ilə çinli tərəfdaşlarına müraciət etdiyini yazıb.

“Report” xəbər verir ki, bununla belə, o qeyd edib ki, tərəflərin ticarət danışıqları uğurla gedir.

"Mən Çindən bizim kənd təsərrüfatı məhsullarımıza tətbiq olunmuş rüsumların dərhal aradan qaldırılmasını xahiş etdim…çünki ticarət danışıqları pis getmir", — deyə Tramp yazıb.

Eyni zamanda, prezident qeyd edib ki, öz növbəsində fevralın sonu verdiyi vədə sadiq qalaraq, martın 1-də Çin məhsullarına qoyulan rüsumu 25 faizədək qaldırmayıb.