ABŞ hökuməti Ümumdünya Səhiyyə Təşkilatı (ÜST) üçün maliyyələşdirməni yeniləyə bilər, ancaq bunu Çinlə eyni dərəcədə edəcək.

Teleqraf.com xəbər verir ki, bu barədə “Fox News” kanalı məlumat yayıb.

Kanal ÜST-ün baş direktoru Tedros Adhanom Gebreyesusun məktubuna istinad edir.

Aprel ayında Prezident Donald Tramp ÜST-ün maliyyələşdirilməsinin dayandırıldığını elan edib. Tramp administrasiyası beynəlxalq qurumu COVID-19 pandemiyasının yayılmasına vaxtında cavab verməməkdə günahlandırır. Eyni zamanda, ABŞ dövlət katibi Mayk Pompeo Vaşinqtonun ÜST-ə maliyyə yardımının ayrılmasını heç vaxt bərpa etməyəcəklərini bildirib.

Son məlumata görə isə, Tramp administrasiyası ÜST üçün maliyyəni bərpa etməyə razılıq verəcək, lakin Çinin ödədiyi eyni miqdarda. Qeyd olunur ki, ABŞ ÜST-ün işində müəyyən çatışmazlıqları görür, lakin təşkilatın böyük potensiala sahib olduğuna inanır.

“Çin ÜST üçün maliyyəni artırarsa, onda (ABŞ) artım ehtimalını nəzərdən keçirəcəyik”, - deyə məlumatda bildirilib.