Ermənistan təkcə Cenevrə Konvensiyasının tələblərini deyil, bütün humanizm prinsiplərini pozur. Bu insanlıqdan kənara çıxmaqdır!

Axar.az xəbər verir ki, bu sözləri Pakistanın İdarələrarası Kəşfiyyat Xidmətinin sabiq direktoru (1993-1995), general-leytenant Cavid Əşrəf Qazi Gəncə şəhərinə, mülki əhaliyə qarşı Ermənistanın ballistik raket tətbiq etməsi və çoxsaylı ölən və yaralananlarla bağlı danışarkən deyib.

Generalın sözlərinə görə, Azərbaycan bütün ərazilərini azad etməlidir:

“Ermənistan beynəlxalq hüquqa görə Azərbaycana məxsus olan əraziləri işğal edib. Erməni qoşunları bu torpaqları tərk etməlidir! Pakistan bu məsələdə Azərbaycanı tam dəstəkləyir və hər zaman Azərbaycan xalqının yanında olacaq”.