Koronavirus əleyhinə vaksin üzrə informasiya müharibəsi artıq başlayıb, yerli nailiyyətlə bağlı inam isə Rusiyanın gücünə dayanır.

Eurasia Diary xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova TASS-a müsahibəsində söyləyib.

"Əfsuslar olsun ki, bəli, vaksin müharibəsi artıq başlayıb. Bu hər şeyin müharibəsidir, COVİD-19 məsələsinin siyasiləşdirilməsi baş verib. Pandemiya ilə bağlı infodemiya yayılıb. Bu dəhşətli reallığın bir hissəsi, əlbəttə ki, peyvənd müharibəsidir və Rusiyanın səylərinə qarşı qarayaxma kampaniyası və ya Rusiyanın nailiyyətləri barədə məlumatların bloklanması ilə əlaqəli hər şeydir".

Diplomat bu yanlış məlumatların yayılmasına qarşı əks-arqumentlər və təkziblərin gətirilməsinin vacibliyini də vurğulayıb.