“Azərbaycanlıların Xankəndinə qayıtması istisna olunur".

Cebhe.info xəbər verir ki, bu sərsəm açıqlama ilə Xənkəndidəki terrorçu rejimin "mətbuat katibi" Vaqram Poqosyan çıxış edib.

O bildirib ki, azərbaycanlıların Xankəndinə qayıdacağı barədə məlumatlar həqiqəti əks etdirmir və ermənilər arasında təşviş yaratmağa xidmət edir: "Bu cür informasiyalar müxtəlif qüvvələr tərəfindən yayılır. Bu yolverilmzədir".

Poqosyan azərbaycanlıların qayıtmasının gözlənildiyi yaşayış kvartallarında artıq tikinti və quruculuq işləri aparıldığını deyib. Onu da bildirib ki, tikinti azərbaycanlılar üçün yox, ermənilər üçündür: “Kanalizasiya sistemi qurulur, evlərin dam örtüyü təmir edilir. İnşaatçılar öz işlərini davam etdirirlər. Evsiz qalanlar üçün tezqurulan konstruksiyalı evlər hazırlanır".

Xatırladaq ki, son günlər azərbaycanlıların yaxın zamanda Xankəndinə qayıdacağı, bu məqsədlə hətta şəhərdəki iki kvartalın tamamilə ayrıldığı barədə xəbərlər yayılır.