Fermer bilmədən Fransa-Belçika sərhədini dəyişdi

6-05-2021, 08:23           
Fermer bilmədən Fransa-Belçika sərhədini dəyişdi
Belçikanın Fransa sərhədinə yaxın bölgəsində yaşayan fermer sərhədi təyin edən daşdan narahat olub və onu iki metr uzaqlaşdırıb.

“TRT Haber” məlumat verir ki, o, bununla iki ölkə arasındakı sərhədi dəyişdirib.

Fermer buna tarlasını şumlayarkən daşın traktoruna mane olmasını əsas gətirib.

Hadisəni meşədə gəzintiyə çıxan bir tarix həvəskarı aşkarlayıb.

İki ölkə arasındakı sərhədi işarələyən daşın Fransa ərazisinə doğru 2.29 metr irəliləməsi onun diqqətini çəkib.

Xoşbəxtlikdən, hadisə diplomatik böhrana səbəb olmayıb. Tərəflər məsələni yumorla müzakirə ediblər.

Belçika rəsmiləri fermerlə əlaqə qurmağı və daşı əvvəlki vəziyyətinə qaytarmasını xahiş etməyi planlaşdırırlar.












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.