ABŞ-ın NATO-dakı nümayəndəsi Culian Smit bildirib ki, Şimali Atlantika alyansı "zamanda geri getmək", yəni 1997-ci ilin sərhədlərinə qayıtmaq niyyətində deyil.

TEREF.AZ-ın yazdığına görə, Qafqaz.media xəbər verir ki, Smit NATO-ya 1997-ci il sərhədlərinə qayıtmağı təklif edən Rusiya Federasiyası XİN naziri müavini Sergey Ryabkovun sözlərinə şərh olaraq belə cavab verib. O, həmçinin bildirib ki, alyans yeni üzvlərin qəbulu ilə bağlı siyasətinə yenidən baxmayacaq. Nəzərə çatdıraq ki, bu müddəa Rusiyanın NATO-ya verdiyi ultimatumda yer alır.



“Müttəfiqlərlə masa arxasında söhbət edəndə hər kəsə aydın olur ki, bu ittifaq zamanla tamamilə fərqli bir dövrə, daha kiçik olan və tarixdə daha kiçik iz qoyan, tamamilə fərqli bir çərçivəyə geri qayıtmaq niyyətində deyil. Biz müasir dünyaya uyğun olmalıyıq", - deyə xanım Smit Brüsseldə telefon brifinqində açıqlayıb. Beləliklə, o, Rusiya XİN naziri müavini Sergey Ryabkovun NATO-nun “pulları yığmağın və 1997-ci ilin sərhədlərinə getməsinin vaxtı çatıb” bəyanatını şərh edib.