ABŞ Senatı Rusiya neftinin idxalını qadağan edən qanun layihəsini yekdilliklə təsdiqləyib.
Axar.az xəbər verir ki, bu barədə “Amerikanın Səsi” məlumat yayıb.
Qanun layihəsində həmçinin qeyd olunub ki, Rusiya, eləcə də onun yaxın müttəfiqi Belarus Ukraynaya hərbi müdaxiləyə və ya bu işğala yardım etdiyinə görə ticarətdə ən çox üstünlük təşkil edən ölkə statusundan məhrumdur.
Bu qanunun qəbulu bu ölkələrdən ABŞ-a malların ixracına görə rüsumların potensial artımını nəzərdə tutur.
Qanun layihəsi baxılması üçün Nümayəndələr Palatasına göndərilir. Daha sonra sənəd imzalanmaq üçün Prezident Co Baydenə göndəriləcək.