Amerika Birləşmiş Ştatları Cənubi Qafqazda dinc, demokratik və firavan gələcək qurmaq niyyətinə sadiqdir.
Bu barədə ABŞ Dövlət Departamentinin mətbuat xidmətinin aprelin 10-da yaydığı məlumatda bildirilir.
"Biz Ermənistan və Azərbaycanı diplomatik təmaslarını fəallaşdırmağa, münaqişənin və ya onun nəticələrinin hərtərəfli həlli yollarını tapmaq üçün mövcud birbaşa əlaqə mexanizmlərindən istifadə etməyə və hərtərəfli sülh sazişi əldə etməklə münasibətləri normallaşdırmağa çağırıb", - deyə qurumun açıqlamasında qeyd olunub.
Həmçinin vurğulanıb ki, Birləşmiş Ştatlar bu təşəbbüslərdə, Ermənistan və Azərbaycana kömək etməyə hazırdır.