ABŞ prezidenti Co Bayden növbəti dəfə qeyri-adi davranışları ilə diqqət çəkib. O, əl uzadaraq kiminsə əlini sıxdığını düşünüb.
AzVision.az xəbər verir ki, görüntülər "NBC News" telekanalında yayımlanıb.

Bildirilir ki, Bayden Şimali Karolinada infrastruktur islahatı ilə bağlı çıxışını bitirdikdən sonra səhnədə sağa dönüb əl sıxmaq üçün kimisə axtarıb. Halbuki prezidentin yanında heç kim olmayıb.
Sonra çaşqın vəziyyətdə görünən Bayden podiumda bir neçə addım atıb, çıxış üçün quraşdırılmış səhnəni tərk etmək üçün uyğun yer axtarıb.

Qeyd edək ki, 79 yaşlı Amerika prezidentinin sərgilədiyi ilk qeyri-adi davranış deyil. Bundan əvvəl o, ötən ilin oktyabrında da gözünə görünən adama salam vermişdi. Bundan başqa vitse-prezident Kamala Harrisi prezident adlandırmış, Suriya ilə Liviyanı səhv salmış, Pitsburqda təyyarəyə minərkən büdrəmiş və s. diqqət çəkən davranışlar sərgiləmişdi.