Rusiya Federasiyası Təhlükəsizlik Şurasının sədr müavini Dmitri Medvedev bildirib ki, Rusiya NATO-nun onun sərhədləri yaxınlığında genişlənməsi ilə əlaqədar mümkün aqresiyalara hazırlaşmalıdır.

Bu barədə Medvedyevin Rusiyanın “Kommersant” nəşrinə verdiyi açıqlamasına istinadən xəbər verir “NATO-nun Rusiya Federasiyasının sərhədləri yaxınlığında genişlənməsi artıq söz və təhdidlər toplusu deyil, hər an hər cür aqresiyaya hazır olmalıyıq”, – deyə o bildirib.

“Rusiya Federasiyasını müasir silahlarla təmin etmək üçün imkanlar yaratmalıyıq, bizə etibarlı, yüksək texnologiyalı hərbi və ikili təyinatlı texnika lazımdır”, – Medvedev əlavə edib. Bildiyiniz kimi, Rusiya Federasiyasının Ukraynaya qarşı genişmiqyaslı müharibəsi başladıqdan sonra Finlandiya və İsveçdə NATO-ya qoşulmaq istiqamətində fəallıq kəskin şəkildə artıb. Müzakirələr yeni başlasa da hər iki ölkə iyunda üzvlük üçün müraciət edəcəklərini bildirb. Rəsmi Moskva isə bunun “nəticələri” barədə xəbərdar etməyə başlayıb.