Digər ölkənin kosmik aparatına qarşı peyk əleyhinə silahdan istifadə edilməsi üçüncü dünya müharibəsinin başlanmasına səbəb ola bilər.

Bu fikri aprelin 23-də «Rossiya 24» telekanalına müsahibəsində «Roskosmos»un başçısı Dmitri Roqozin səsləndirib. Onun fikrincə, belə hadisə «casus belli», başqa sözlə, müharibəyə başlamağın formal bəhanəsi ola bilər. «Nəzərə almaq lazımdır ki, özgənin kosmik aparatının məhv edilməsi, bu, üçüncü dünya müharibəsidir, yəni birmənalı olaraq «casus belli»dir» - “RİA Novosti” Roqozindən sitat gətirir.

Korporasiya başçısı etiraf edib ki, peyk əleyhinə sınaqlara morotarium qoyulmasını bildirən ABŞ hakimiyyətinə inanmır. Onun sözlərinə görə, Amerikada artıq bu tədbirləri həyata keçiriblər və başa çatdırıblar, indi isə hökumət özündən «sülh göyərçini» düzəltmək istəyir.

Roqozin bəyan edib ki, gələcəkdə tezliklə kosmosda kütləvi qırğın silahları yeni reallıq ola bilər, ABŞ-da artıq qelə işlər aparılıb, məsələn, məxfiləşdirilmiş X-37B mini-şattlı ki, silah və kəşfiyyat aparatları daşıya bilir.