Moskva Ankaranı Suriya ərazisinə endirilən zərbələr fonunda təmkinli olmağa çağırıb.
Bunu Rusiya Prezidentinin Suriya üzrə xüsusi nümayəndəsi Aleksandr Lavrentyev deyib.

“Regionda gərginliyin artmasına yol verilməməlidir. Türkiyə İraq və Suriyada hava əməliyyatının başlaması ilə bağlı Rusiya tərəfini xəbərdar etməyib. Bu mövzu Astanada keçiriləcək danışıqlarda müzakirə olunacaq. Ümid edirik ki, türk tərəfdaşlarımızı Suriya ərazisində həddindən artıq güc tətbiq etməkdən çəkindirməyi bacaracağıq”, - Lavrentyev bildirib.