Moskvanın Laçın yolunda yeni taktikası? - Sülhməramlılar niyə geri çəkilib?
20-12-2022, 08:54
Xankəndi yolunda keçirilən aksiyada sülhməramlıların mövqeyində dəyişikliklər müşahidə edilir: ilk gündən etirazçılarla üzbəüz dayanan sülhməramlılar indi aksiyanın keçirildiyi ərazidən təxminən 30 metrə qədər uzaqlaşıb; Belə bir addımı niyə atdıqları anlaşılmır. Və burada aksiyanın qarşısını ala bilməyən Rusiyanın mümkün təxribatına hesablandığı versiyası ön plana çıxır. Bundan öncə də qeyd etmişdik: sülhməramlılar aksiyaya birbaşa müdaxilə edə bilməzlər, lakin Qarabağda xüsusi hazırlanmış “mülkü erməni” qruplarının əraziyə gəlməsi və mümkün qarşıdurmanın yaranması halında “etnik toqquşma” bəhanəsi ilə hərəkətə keçəcəklər; Mümkündür ki, aksiya ərazisi ilə öz mövqeləri arasında yaratdıqları “neytral zona”ya təxribatçı erməni qruplarının girişinə şərait yarada, azərbaycanlı-erməni toqquşmasını hazırlaya və müdaxilə üçün əsas əldə edə bilərlər. Sülhməramlıların “geri çəkilməsi”nin səbəblərindən biri də “yolu azərbaycanlılar bağlayıb” görüntüsünün yaradılmasına hesablana bilər. Asif Nədimanlı Teref.az