İsrail Müdafiə Nazirliyinin yeni rəhbəri Yoav Qalant amerikalı həmkarı Lloyd Ostin ilə Yaxın Şərqdə təhlükəsizlik və sabitlik məsələlərini, həmçinin İrandan gələn təhdidləri müzakirə edib.
Bu barədə İsrail Müdafiə Nazirliyinin mətbuat xidməti məlumat yayıb.

İsrailli nazir söhbət zamanı İranın nüvə silahı əldə etməsinin qarşısını almaq üçün beynəlxalq əməkdaşlığın vacibliyini vurğulayıb: “Müdafiə naziri Y. Qalant bu gün amerikalı həmkarı L. Ostin ilə ilk telefon danışığı aparıb. Qalant amerikalı həmkarı ilə İran təhlükəsindən başlayaraq, İsrail dövlətinin təhlükəsizliyini, Yaxın Şərq regionunda sabitliyi təhdid edən əsas strateji çağırışlar üzrə vəziyyəti, o cümlədən İranın nüvə ambisiyalarını, regional aqresiyasını və müasir yüksək dəqiqlikli silahların yayılmasını müzakirə edib”.