İtaliya Senatı 1932-1933-cü illərdə baş vermiş Qolodomorun Ukrayna xalqının soyqırımı kimi tanınmasını nəzərdə tutan qanun layihəsi hazırlayır.

Bu barədə “Report” Ukraynanın Baş naziri Denis Şmıqal teleqram kanalındakı paylaşımına istinadən xəbər verir.

“İtaliya parlamentinin rəhbərliyi ilə görüşlər keçirilib. Hər iki palatadan qeyd-şərtsiz dəstək var”, - Şmıqal bildirib.

Denis Şmıqal İtaliya Senatının sədri İqnazio Benito Maria La Russa ilə “Qolodomor”un Ukrayna xalqının soyqırımı kimi tanınmasını müzakirə edib:

“Müvafiq qanun layihəsi artıq hazırlanır. İtaliyalı tərəfdaşlarımız bilirlər ki, “Qolodomor” təkrarlanmamalı olan ən dəhşətli cinayətlərdən biridir”.