Yeddilik Qrupu (G7) inkişaf etməkdə olan ölkələrdə, o cümlədən Afrikada açıq İnternetin inkişafına kömək etmək niyyətindədir.

Bu barədə bazar günü Yaponiyanın Takasaki şəhərində keçirilən G7-nin rəqəmsal və texnologiya departamentləri rəhbərlərinin görüşünün yekunları üzrə qəbul edilmiş birgə bəyanatda deyilir.

“Biz inkişaf etməkdə olan iqtisadiyyatlarda açıq interneti təşviq etmək və inkişaf etdirmək üçün əməkdaşlıq edirik. Xüsusilə, Afrika kontekstində ortaya çıxan uğurlu və yerli yönümlü açıq İnternet yerləşdirilməsi və idarəetmə modellərini təşviq etmək üçün Afrika ölkələri və bütün inkişaf etməkdə olan ölkələrlə işləmək niyyətindəyik” - sənəddə bildirilir.