Məlum olduğu kimi, Rusiya işğal etdiyi Ukrayna ərazilərində yaşayan əhaliyə Rusiya pasportları paylamağa başlayıb. Yeni “qanunvericiliyə” görə, Rusiya vətəndaşlığını qəbul etməyən şəxsləri deportasiya gözləyir.

“AzPolitika.info” xəbər verir ki, Ukraynanın Müvəqqəti İşğal Altında Olan Ərazilərin Reinteqrasiyası naziri İrina Vereşuk işğal ərazilərində yaşayan ukraynalılara müraciət edib. Rəsmi müraciətdə deyilir ki, həmin ərazilərdə yaşayan Ukrayna vətəndaşları heç bir halda Rusiya pasportlarını götürməməli, Rusiya vətəndaşlığını qəbul etməməlidirlər: “Rusiya pasportlarını götürməyin, işğalçılarla əməkdaşlıq etməyin, imkan daxilində ərazini tərk edin, yaxud da Ukrayna Silahlı Qüvvələrini gözləyin”.