"Moskvanın 3 gündə qazanmağı umduğu müharibə 15-ci ayına daxil olur".

Ölkə.Az xarici KİV-ə istinadla xəbər verir ki, bu sözləri NATO Hərbi Komitəsinin sədri Rob Bauer Brüsseldə NATO ölkələrinin baş qərargah rəislərinin toplantısından sonra deyib.
O, Rusiya ilə Ukrayna arasındakı müharibənin NATO siyasətinə həlledici təsir göstərdiyini bildirib:

“Rusiya Ukrayna müharibəsi və Avro-Atlantik bölgənin təhlükəsizliyi ilə bağlı təhdid on illərdən bəri ən yüksək səviyyədədir. Moskvanın 3 gündə qazanmağı umduğu müharibə 15-ci ayına daxil olur. Ukrayna xalqı və Ukrayna ordusu bizi təəccübləndirməyə davam edir. Ukraynalı həmkarlarımız son vəziyyətlə bağlı detallı hesabat təqdim ediblər. NATO nə qədər lazımdırsa, Ukraynanı o qədər dəstəkləyəcək.

Rusiya beynəlxalq nizamı sarsıdıb. Təəssüf ki, bu vəziyyət bizi ümumi müdafiə dövrünə itələyib. Biz yox, rəqiblərimiz bu gündəmi müəyyənləşdirib. NATO və ittifaq üzvlərinin hərbi planlarını uyğunlaşdırdıqca, biz hamımız eyni kompası izləyəcəyik”,- deyə o söyləyib.