Ukraynanın hissə-hissə NATO-ya qəbulu istisna deyil. Təbii ki, bütün bu proseslər mürəkkəbdir və sonda hər şey Ukraynanın qərarlarından asılıdır, lakin hər halda, bu, mümkünsüz deyil.

Bunu NATO-nun keçmiş baş katibi Anders Foq Rasmussen deyib.

Yalnız Qərbi Ukraynanın NATO-ya daxil olması sualına gəlincə, o bildirib ki, bu, mümkündür:

"Və bu, bütün Avropaya sabitləşdirici təsir göstərə bilər. Qərbi Almaniyanın 1955-ci ildə NATO-ya daxil olmasını xatırlayın. Bir çox fərqlər var, amma paralellər də mümkündür. Məsələn, NATO müqaviləsinin 5-ci maddəsi üzrə yardım öhdəlikləri yalnız Ukrayna ərazisinin Kiyev hökumətinin hazırda de-fakto yurisdiksiyasından istifadə etdiyi ərazilərə hücum ediləcəyi təqdirdə yerinə yetiriləcək. Hazırda Ukraynanın NATO-ya daxil olması üçün mümkün variantların müzakirəsi gedir".