İsrail həm Fələstin xalqının müqaviməti, həm də öz səhvləri ucbatından məğlub olub.

Yenisabah.az “Mehr”ə istinadla xəbər verir ki, bunu İslam İnqilabı Keşikçiləri Korpusunun ("Sepah") baş komandanı, general-mayor Hüseyn Səlami deyib.

O bildirib: “Sionistlər uşaqları və körpələri hədəfə alaraq, Qəzza zolağında məzlum Fələstin xalqını bombalayaraq, qələbə çalmağa çalışırlar. Düşmən günahsız Fələstin xalqının müqaviməti və öz səhvləri sayəsində məğlub olub”.

Səlami əlavə edib ki, İsrail Qəzza zolağında əməliyyatını genişləndirib və müsəlman döyüşçülərin hücumuna məruz qalıb, nəticədə "hər gün ən azı 15 tank və bir neçə zirehli transportyor məhv edilir".

Onun sözlərinə görə, “Fələstin müqavimət qruplarının İsrailə qarşı davam edən “Əl-Əqsa Fırtınası” adlı hərbi əməliyyatı ABŞ-ın dünyadakı mövqeyini sarsıdıb.

"Sepah" komandanı qeyd edib ki, Qəzza zolağında baş verən hadisələr Qərb hökumətləri və sionistlərin müsəlmanlara qarşı gizli siyasətini üzə çıxarıb.