Sonuncular Gürcüstan dövlətinin və cəmiyyətinin maraqlarına kökündən zidd fəaliyyətlər həyata keçirmək üçün qeyri-hökumət təşkilatlarının və müvafiq KİV-lərin qeyri-şəffaflığından istifadə edirlər.

İqtisadiyyat.az xəbər verir ki, bu barədə Gürcüstanın baş naziri İrakli Kobaxidze jurnalistlərlə görüşü zamanı bildirib.

"Bütün bunlara baxmayaraq, 2021-2023-cü illərdə Gürcüstanın nominal iqtisadiyyatı dollar ifadəsində iki dəfə artıb. Halbuki, inqilabi səylər olmasaydı, Gürcüstan iqtisadiyyatı ən azı 5 milyard dollar artacaqdı. Bu o deməkdir ki, dövlət büdcəsi hər il ən azı daha bir milyard dollar artaraq dövlət proqramlarını və layihələrini əhəmiyyətli dərəcədə genişləndirməyə imkan verəcək", - Gürcüstanın baş naziri qeyd edib.

Kobaxidzenin sözlərinə görə, QHT-lərin şəffaf olmaması Gürcüstan dövləti üçün nəinki siyasi problemlər yaradır, həm də ölkənin iqtisadi inkişafı və büdcəsinin genişlənməsi üçün ciddi maneəyə çevrilir. Onun sözlərinə görə, 3 ildir ki, radikal partiyalar, qeyri-hökumət təşkilatları, media ölkəni sıxışdırıb.

Gürcüstanın baş naziri qeyd edib ki, bu, pravoslav kilsəsinə davamlı hücumlar, dini mövzulu siyasi müdaxilə, LGBT təbliğatı, dövlət institutlarını sarsıtmaq, strateji iqtisadi layihələrin həyata keçirilməsini əngəlləməkdən ibarətdir.