Ermənistan xüsusi xidmət orqanları hələ ombudsman olarkən Kristin Qriqoryanın telefonunu dinləməyə cəhd ediblər.

Publika.az xəbər verir ki, bu barədə “Hraparak” qəzeti yazıb.

Nəşr qeyd edir ki, Xarici Kəşfiyyat Xidmətinin rəhbəri kimi Kristin Qriqoryan artıq bir ildir ki, bu postdadır və hakim komandanın “ən qaranlıq” fiqurlarından biri olaraq qalır.

Lakin məlum olur ki, Qriqoryan hələ hüquq müdafiəçisi postunda olarkən onun telefonunda dinləmə proqramlarının quraşdırıldığını aşkar edib. Sonra bunun onların işi olub-olmadığını öyrənmək üçün Milli Təhlükəsizlik Xidmətinə müraciət etdi.

Onlar müdaxiləni rədd ediblər. Lakin Qriqoryan hədələyib ki, o, səs-küy salmaq niyyətindədir, o cümlədən beynəlxalq strukturlarda. Bundan sonra SNB etiraf edib ki, “anlaşılmazlıq” olub və onun telefonunu dinləmək niyyətində deyillər.

Eyni zamanda, mövcud şayiələrə görə, kəşfiyyat xidmətləri artıq telefondan kifayət qədər məlumat endirməyə nail olub və ondan kompromat kimi istifadə edirlər. Söhbət “intim xarakterli” materiallardan gedir.

Qeyd edək ki, Ermənistan Xarici Kəşfiyyat Xidməti 2022-ci ilin dekabrında yaradılıb (onun bəzi funksiyaları Milli Təhlükəsizlik Xidməti tərəfindən ona verilib). Yeni departamentə əvvəllər respublikanın ombudsmanı (insan hüquqları üzrə müvəkkili) Kristine Qriqoryan rəhbərlik edir.