ABŞ Prezidenti Donald Tramp and içdikdən bir neçə saat sonra 6 yanvar 2021-ci ildə tərəfdarlarının 2020-ci il seçkilərinin nəticələrini ləğv etməyə çalışdığı ABŞ Kapitolisinə hücumda iştirak edən 1500-ə yaxın insanı əfv edib.

Əfvlər Trampın 100-dən çox polis zabitinin yaralanmasına səbəb olan və hakimiyyətin dinc yolla ötürülməsini təhdid edən 6 yanvar hücumunun tarixini yenidən yazmaq üçün illərlə davam edən kampaniyasından sonra gözlənilirdi.

Bununla belə, mərhəmətin əhatə dairəsi hələ də Ədliyyə Nazirliyinin iştirakçıları Amerika tarixinin ən qaranlıq günlərindən biri kimi təsvir edilən hadisələrə görə məsuliyyətə cəlb etmək səylərinə böyük zərbə vurur.

Tramp Ağ Evə qayıtmazdan əvvəl həftələrdə əfvlərin əvəzinə 6 yanvar müttəhimlərinin işinə ayrı-ayrılıqda baxılmasını təklif etmişdi. Vitse-prezident JD Vans bir neçə gün əvvəl Kapitoli iğtişaşları zamanı zorakılığa görə məsuliyyət daşıyan insanların əfv edilməməli olduğunu demişdii.

İğtişaşçıları "vətənpərvər" və "girov" kimi qələmə verən Tramp Ədliyyə Nazirliyi tərəfindən onların ədalətsiz şəkildə mühakimə edildiyini iddia edib, eyni zamanda özünə qarşı iki federal cinayətlər ittihamı irəli sürüldüyünü və bu ittihamların siyasi motivli olduğunu bildirib.

Tramp əfvların "son dörd il ərzində Amerika xalqına qarşı törədilmiş ciddi milli ədalətsizliyə son qoyduğunu və milli barışıq prosesini başladığını" deyib.

Müttəhimlərin bir çoxu Vaşinqtonun cənub-şərqindəki Mərkəzi Təcridxanada saxlanılırdı. Bazar ertəsi axşam saatlarında Vaşinqtondakı Mərkəzi Həbsxanasının qarşısında bayram ab-havası hökm sürüb. Şaxtalı havaya baxmayaraq, tərəfdarları binanın qarşısında toplaşıb.