Gürcüstanın beşinci prezidenti Salome Zurabişvili sələfi Mixail Saakaşvilini əfv etməkdən imtina etməsini onun barəsində yeni hökmlərin çıxarılması təhlükəsi səbəbi
ilə izah edib: “Düşünürəm ki, dəfələrlə ifadə etdiyim mövqeyimi hamı bilir. Üstəlik, [Saakaşvilini] azadlığa buraxılmazdan əvvəl “Gürcü Arzusu”nun yeni hökmlər çıxarması olmadan əfv etməyin qanuni yolu yox idi”.

Moderator.az "Newsgeorgia" nəşrinə istinadla xəbər verir ki, Zurabişvili bu barədə ABŞ-də Amerika Sahibkarlar İnstitutunun konfransında çıxışı zamanı bildirib.

“O, yalnız “Gürcü arzusu” hakimiyyətdən gedəndə həbsdən çıxacaq. "Bu, reallıqdır", - deyə prezident bildirib.

Saakaşvili 2013-cü ildə prezidentlik müddətini başa vurduqdan sonra Gürcüstanı tərk edib. “Gürcü arzusu”nun yeni hökuməti ona qarşı dörd cinayət işi açıb.
Onlardan ikisi üçün siyasətçi qiyabi olaraq üç və altı il müddətinə azadlıqdan məhrum edilib - məhkəmə onu vəzifə səlahiyyətlərindən sui-istifadədə və vəzifə səlahiyyətlərini aşmaqda təqsirli bilib.

2007-ci il noyabrın 7-də müxalifətin mitinqinin dağıdılması, o cümlədən dövlət büdcəsindən 9 milyon lariyə yaxın (3,3 milyon dollardan çox) vəsaitin mənimsənilməsi ilə bağlı işlərə baxılmaqda davam edir.

Bundan əlavə, Saakaşvili 2021-ci ilin oktyabrında gizli şəkildə Gürcüstana daxil olarkən yeni cinayətdə - sərhədi qanunsuz keçməkdə ittiham olunub və saxlanılıb.

Zurabişvili özünü Gürcüstanda hakimiyyətin yeganə qanuni nümayəndəsi adlandırmaqda davam edir, lakin onun səlahiyyətləri rəsmi olaraq 29 dekabr 2024-cü ildə başa çatıb. O, üçüncü prezident Saakaşvili üçün əfv aktı vermədən Orbeliani sarayını tərk etdiyi üçün Saakaşvilinin tərəfdarları tərəfindən tənqid edilib