"Anadolu Agentliyi" xəbər verir ki, ABŞ administrasiyası öz ordusunu Suriyadan çıxarmaq məsələsi ilə bağlı qərar verəcək. ABŞ Prezidenti Donald Tramp Vaşinqtonun Suriya Ərəb Respublikasının problemləri ilə məşğul olmamalı olduğunu söyləyib.
Tramp bu açıqlamanı brifinq zamanı verib.
İsrail mətbuatında dərc olunan xəbərlərdə Vaşinqtonun öz ordusunu Suriyadan çıxarmağı planlaşdırdığı bildirilib. Jurnalistlərin həmin xəbərlərin doğru olub-olmadığı sualının cavabında Tramp deyib: "Bunu kimin dediyini bilmirəm, lakin biz bununla bağlı qərar qəbul edəcəyik. ABŞ Suriyanın işlərinə qarışmamalıdır. Suriyanın öz problemləri var. Orada onsuz da qarışıqlıqdır. Biz buna qarışmamalıyıq".