"Qırmızı dənizdə beynəlxalq sualtı fiber-optik kabellərin zədələnməsi nəticəsində “Azure” bulud xidmətinin bəzi istifadəçilərində məlumat axınında ləngimələr müşahidə olunur"

Valyuta.az xəbər verir ki, bu məlumatı “Microsoft” açıqlayıb.

Şirkətin məlumatına görə, problem əsasən Yaxın Şərq marşrutları üzərindən keçən xətlərə təsir edib. Digər istiqamətlərdə isə xidmət sabitdir.

“Biz Yaxın Şərq üzərindən keçən bəzi xətlərdə daha yüksək gecikmələrin olacağını gözləyirik. Digər marşrutlar təsirlənmir. Məlumat axını alternativ yollarla yönləndirilib və xidmət tam dayandırılmayıb,” – deyə “Microsoft” bildirib.

Qeyd edək ki, Azure “Amazon Web Services”dən (AWS) sonra dünyanın ikinci ən böyük bulud xidməti təminatçısıdır.