ABŞ-ın Rusiya müdafiə sənayesinə qarşı qəbul etdiyi məhdudlaşdırıcı tədbirlər artıq Moskvanının milyardlarla dollar itirməsinə səbəb olub.
Bunu jurnalistlərə açıqlamasında ABŞ Dövlət Departamentinin rəsmi nümayəndəsi Hizer Noyert söyləyib. Onun sözlərinə görə, hələlik Rusiyaya qarşı yeni sanksiyalar tələb olunmur:
“Qanunun fəaliyyətə başlamasından sonra bizim hesablamalarımıza görə, xarici hökumətlər planlaşdırılmış və ya elan edilmiş milyardlarla dollarlıq məhsul alışından imtina edib. Bu qanun faktiki olaraq Rusiyanın qarşısının alınması faktoru daşıyır”.
Qeyd edək ki, Tramp administrasiyası Konqresə “Kreml hesabatı” sanksiyalar paketini verib. Həmçinin, ABŞ-ın Rusiya hərbi sənaye şirkətlərinə qarşı tətbiq etdiyi sanksiyalar qüvvəyə minib./axar/