“Bizim Market”in Xırdalan şöbəsindən eyni gündə fərqli saatlarda 3 ədəd kəsmik aldım, hamısı xarab çıxdı”.TİA.az xəbər verir ki, bunu müştəri İlkin Əmirov yazıb. Onun sözlərinə görə, aldığı kəsmikləri hər dəfə qaytarır, işçilər heç nə olmamış kimi “təzəsini” verirlər, evə gəlir, yenə xarab çıxır:” Üçüncü kəsmiyi qaytaranda satıcı deyir ki, imkan varsa öz nömrənizi yazmayın, onsuz da zəng vurmayacaqlar. Bu nə məntiqdi? Bəs orada qaytarma səbəbi, telefon nömrəsi niyə alınır? Sonda kəsmiyi həyətdə balaca market var ordan aldım” . Qeyd edək ki, məhsul “Azərsüd” firmasına məxsusdur.