“Bizdə hələ də “kolxoz” düşüncəsi qalır.

“Kalxoz” malıdır, dağıt, dövlət malıdır, dağıt. Biz məhz o vəzifəli şəxslərin ucbatından dövləti, maraqlarımızı milliləşdirə bilmədik. Ona görə də indi hamı deyir ki, əşi, dövlətin puldur da, dağıt. Dədənin pulu deyil ki, mənə vermirsən”.

Cebhe.info xəbər verir ki, bunu “Müsavat TV”nin canlı yayımında Milli Cəbhə Partiyasının sədri, deputat Razi Nurullayev deyib. Deputat qeyd edib ki, cəmiyyətdə sosial bərabərlik olmalıdır:

“Niyə bizdə bu düşüncə olmalıdır ki, filankəs yaxşı yaşıyırsa, deməli, o, nazir balasıdır? Niyə nazirin, deputatın, Prezident Aparatında işləyənin, icra başçısının balası yaxşı maşın sürməlidir, yaxşı yaşamalıdır, insanlar da bunu görməlidir? Vətəndaş da bunu görəndə deyir ki, mən onu tanıyanda, acından ölənin biri idi. İndi vəzifəyə gedib məndən yaxşı yaşayır. Yəni bərabərliyi hər kəsə tətbiq etmək lazımdır”.