Bakının mərkəzində əlilliyi olan şəxslərin hərəkətinə bilərəkdən müdaxilə edilib. Söhbət Nərimanov rayonu, Əliyar Əliyev küçəsində yerləşən Azenko binalarının yanındakı yoldan gedir.

Belə ki, “Azəriqaz” İstehsalat Birliyi ərazidə fiziki məhdudiyyətli şəxslər üçün düzəldilmiş yolu bağlayıb.

Sosial şəbəkədə ictimailəşən məsələ ilə bağlı görüntülər paylaşılıb. Fotolardan da bəlli olur ki, fiziki əngəlli şəxslərin istifadə etdiyi yol qaz xətti çəkilən borularla bağlanıb.

DİA.AZ bildirir ki, “Azəriqaz” İstehsalat Birliyindən Bizim.Media-ya məsələnin qısa zamanda araşdırılıb, tədbir görüləcəyi bildirilib.