Maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 2022-ci ilin yanvar-sentyabr aylarında 377,9 milyon manatlıq məhsul istehsal edilib.


Bu barədə Trend-ə Dövlət Statistika Komitəsindən məlumat verilib.

Qeyd edilib ki, əvvəlki ilin müvafiq dövrü ilə müqayisədə sair nəqliyyat vasitələrinin istehsalı 3,2 dəfə, avtomobil, qoşqu və yarımqoşquların istehsalı 93,7 faiz, maşın və avadanlıqların istehsalı isə 49,4 faiz artmışdır. 2022-ci ilin yanvar-sentyabr aylarında 1510 ədəd və ya ötən ilin müvafiq dövrü ilə müqayisədə 42 ədəd az minik avtomobili istehsal olunub.

Dövr ərzində əvvəlki ilin müvafiq dövrü ilə müqayisədə traktorların istehsalı 4,1 faiz azalıb.