"Restoranlar Ramazan boyu iftar süfrələrindən də pul tutmaqdan çəkinmirlər. Bu gün bir menyunu hətta 85 manata təklif edən restoran da var. Görəsən oraya ərzaq Marsdan gəlir? Amma yiyələrini dindirsən guya əksəriyyəti əhli-beyt aşiqidir və halal filan zad..." DİA.AZ bildirir ki, bu paylaşımla jurnalist Fatimə Paşayeva çıxış edib.

Daha sonra etirazçı jurnalist vətəndaşlara çağırışda da bulunub: "Restoranlara getməyin! Müstərisizlikdən ərzaqlarının üstünə milçək qonsun, onlar da bekarçılıqdan qovalasınlar.

Bir müddət marketlərdən bazarlıq etməyin. Yalnız az miqdarda zəruri ərzaqları alın. İmkan verin malları qurd bassın. Bəlkə o zaman möhtəkirlikdən əl çəkələr..."