2023-cü ilin əvvəlində ruslar xaricdə aktiv şəkildə daşınmaz əmlak almağa başlayıblar.

“AzPolitika.info” bu barədə “Gazeta.ru”ya istinadən xəbər verir.

Belə alışlara tələb ötən ilin eyni dövrü ilə müqayisədə 36% artıb.

“İntremrk Real Estate” analitikləri öz araşdırmalarında təqdim edirlər ki, Birləşmiş Ərəb Əmirlikləri Rusiya Federasiyası vətəndaşları arasında ən populyar ölkəyə çevrilib. İkinci yerdə Tailand, üçüncü yerdə isə Türkiyə qərarlaşıb.

“Intermark Real Estate”-in tərəfdaşı İrina Moşeva izah edir: "Dubay rusları əlverişli vergitutma, sabit iqtisadi artım, siyasi hadisələrlə bağlı neytral statusu ilə cəlb edir".

Bundan əlavə, ilin birinci yarısında Taylandda Rusiya mənzil əməliyyatlarının sayı bir ilin eyni dövrü ilə müqayisədə 2,6 dəfə artıb. Türkiyədə ruslar 2022-ci ilə nisbətən 33% çox daşınmaz əmlak alıblar.