Qanunsuz torpaq satışı səbəbindən yaranmış mübahisə növbəti dəfə Abşeron Rayon İcra Hakimiyyətini məhkəməlik edib.

Tribunainfo.az-ın əldə etdiyi məlumata görə, vətəndaş Ələkbər Əliyev Mehralı oğlu Abşeron Rayon İcra Hakimiyyəti ilə bağlı məhkəmədə iddia qaldırıb. Bu, ay ərzində icra hakimiyyətinə qarşı torpaq mübahisəsi, qanunsuz tikilinin sökülməsi kimi işlərlə bağlı irəli sürülmüş növbəti ittihamdır.

Bu dəfəki işin mahiyyəti də icra hakimiyyətinin aktları və hərəkətləri (hərəkətsizliyi) ilə əlaqədar mübahisə, torpaq münasibətləri üzrə mübahisələrdir. İşə 13 oktyabr tarixində Sumqayıt İnzibati Məhkəməsində hakim Vəfa Əzizovanın sədrliyi ilə baxılacaq.