“Times Higher Education” 2024-cü il üçün dünya universitetlərinin reytinq siyahısını açıqlayıb.
Bakı Dövlət Universiteti Azərbaycanda THE reytinq siyahısında yer alan yeganə ali təhsil müəssisəsi olub.
Bu ali təhsil müəssisəsi dünyanın 108 ölkəsindən 1900-dən çox universitet arasında 1501+ yeri qazanıb.
Müzakirə predmeti ola biləcək məqamlar olsa da, BDU-nu təbrik edirik.
Xatırladıram ki, THE dünya universitetləri reytinqini müəyyən edərkən universitetlərin tədris, elmi-tədqiqat, elmi məqalə sayı və istinad indeksi, beynəlxalq reputasiyası, sənaye gəlirləri və digər meyarları nəzərə alır.
Xatırladıram ki, bir müddət öncə BDU və 5 elmi-tədqiqat institutunun birgə fəaliyyətinin təşkili ilə bağlı Memorandum da imzalanmış və bu, müzakirələrə də səbəb olmuşdu.
Bu sənədə görə, qəribə də olsa 5 elmi müəssisənin indiyədək və bundan sonra olan bütün elmi potensialı, elmi məqalələri həm də BDU-nun hesab olunur.
Görünür ki, artıq bu Memorandum öz töhfəsini verməyə başlayıb.
O zaman, bəzi elmi müəssisə rəhbərlərinin bu sənədin mahiyyətindən xəbərsiz olduqları haqqında məlumatlar da yayılmışdı.
Xatırladıram ki, cari ildə açıqlanan digər beynəlxalq reytinqlərə , QS və WEBMETRICS -ə görə ölkə birincisi UNEC olmuşdur.
Osman Gunduz
Teref.az