Azərbaycana idxal edilən digər tərəvəz bitkilərinin toxumları, maya kulturaları, çörəkçilik mayaları, hazır çörəkçilik tozları, balıqdan və ya xərçəngkimilərdən, molyusklardan və ya digər su onurğasızlarından narın və qaba üyüdülmüş un və qranullar, həll olunan balıq məhsulları və ya digər dəniz məməli heyvanlarından məhsullar daha 3 il gömrük rüsumundan azad edilib.

Nazirlər Kabineti bununla bağlı “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib.

Beləliklə, bu il dekabrın 31-də bitəcək bu müddət 31 dekabr 2026-cı ilədək uzadılıb.