Anar Tağıyev MMC rəhbərini müdir təyin edib - Tenderləri də bu şirkət udur
10-01-2024, 08:34
Yevlax Şəhər İcra Hakimiyyətinin başçısı Anar Tağıyev şirkət rəhbərini müdir təyin edib.
Qaynarinfo-nun məlumatına görə, müvafiq əmrlə Məmtiyev Raquf Rəhim oğlu İcra Hakimiyyətinin sektor müdiri-baş mühasibi təyin edilib.
Qeyd edək ki, Raquf Məmtiyev "Təmir-İnşaat" Məhdud Məsuliyyətli Cəmiyyətinin (MMC) qanuni təmsilçisi, baş direktoru olub. O, şirkətini 2021-ci ilin yanvar ayının 15-də öz yaxını Hacıyev Elnur İsa oğlunun adına keçirib.
Baş mühasib öz şirkətini Yevlaxda qiyməti yarım milyondan çox tenderlərin qalibi etməyi bacarır. Təkcə 18.07.2023-cü ildə İcra Hakimiyyətinin şəhərdə yolların əsaslı təmiri işləri ilə əlaqədar elan etdiyi 541.472,25 AZN-lik tenderin qalibi olub. Qurum Yevlaxda 2022-ci ildə toplam maliyyə dəyəri 642 390,4 AZN təşkil edən iki satınalma müqaviləsi imzalayıb.
Xatırladaq ki, Rauf Məmtiyev uzun illər Dövlət Sosial Müdafiə Fondunun Ağdaş rayon şöbəsinin müdiri olub.
