Kreditlərin illik faiz dərəcələrinin yüksək olması məsələsi zaman zaman gündəmə gəlir. Hazırda Azərbaycanda bir çox banklar yüksək faizlə kredit verir. Bunun səbəbi nədir?

Məsələ ilə bağlı iqtisadçı Natiq Cəfərli Sonxeber.az-a açıqlama verib.

İqtisadçı kredit faizlərinin yüksək olma səbəblərinə aydınlıq gətirib:

"Azərbaycanda banklarda faizlərin yüksək olmasının bir neçə səbəbi var. Birinci səbəbi depozitlərin yüksək olmasıdır. Azərbaycanda 10 faiz civarında depozitlər var. Ona görə də banklar 10 faizə götürdüyü depoziti daha ucuz kredit verə bilməz. Bank krediti daha baha verməyə məcburdur. İkinci olaraq Mərkəzi Bankın uçot dərəcəsidir. Uçat dərəcəsi getdikcə aşağı düşməsi faizi aşağı sala bilər. Bu zaman banklar Mərkəzi Bankdan borc götürüb daha aşağı faizlə kredit verə bilərlər. Üçüncü səbəb isə rəqabətin zəif olmasıdır. Ölkədə bank sektoru məhduddur. Azərbaycandadörd beş çox iri bank var. Onlar bazarın dördə üçünə nəzarət edirlər. Rəqabət mühiti zəif olduğu üçün, yüksək faizləri müşahidə edirik. Bundan çıxış yolu isə çox yüksək reytinqli xarici bankların Azərbaycan daxil olmalırı şərait yaradılmalıdır".