Azərbaycanda “Avtomagistraldan ödənişli yol kimi istifadə Qaydası” dəyişib.
Nazirlər Kabineti 6 mart 2019-cu il tarixli qərarı ilə təsdiq edilmiş “Avtomagistraldan ödənişli yol kimi istifadə Qaydası”nda dəyişiklik edib.
Bununla bağlı Baş Nazir Əli Əsədov yeni qərar imzalayıb.
Qərara əsasən, bundan sonra hər bir ödənişli avtomagistral ilə nəqliyyat vasitələrinin gedişi üçün ödənişin məbləğini avtomobil yolunun dərəcəsi nəzərə alınmaqla Tarif (Qiymət) Şurası təsdiq edəcək.
Qeyd edək ki, indiyə qədər bu məsələdə nəqliyyat vasitəsinin qət etdiyi məsafə, çəkisi və ay ərzində gedişlərin sayı da nəzərə alınırdı.