Dünyanın ən məşhur lüks brendlərindən biri olan "Hermes" bu ilin üçüncü rübündə gəlirini 10,3% artırıb.

İqtisadiyyat.az xəbər verir ki, bu barədə şirkətin press-relizində deyilir.

Məlumata görə, iyul-sentyabr aylarında şirkətin gəliri 3,7 milyard avro təşkil edib. Bu da bazarın gözləntilərindən bir qədər yaxşıdır. Bu dövrdə Fransada satışlar 13,1%, Avropanın qalan hissəsində 18,8%, Yaponiyada 18,5% artıb.

Digər regionlarda, o cümlədən Yaxın Şərqdə bu rəqəm iki dəfədən çox artıb. "Hermes"in səhmləri ticarət zamanı 2% bahalaşıb. İlin əvvəlindən şirkətin kapitallaşması 9,6% artaraq 215,7 milyard avroya çatıb.

Qeyd edək ki, "Hermes" müxtəlif məhsullar istehsal edir: geyim, aksesuar, saat, ətir, zərgərlik məhsulları və s.