Əvvəllər polis və gömrük orqanlarında çalışmış Naxçıvan şəhər sakini Emin Nəzərli əsassız olaraq işdən çıxarılmasından şikayət edir. O, bildirir ki, işdən çıxarılmasına bəhanə tapa bilmədikləri üçün maşınına silah qoyaraq onu şərləyiblər.
İşdən çıxarıldıqdan sonra müxtəlif orqanlara şikayətlər etsə də, heç bir nəticə əldə edə bilməyib. Əlacsızlıq üzündən Türkiyəyə köçən Nəzərli, işinə bərpa olunması üçün şikayətlərini hələ də davam etdirir. Yerli hakimiyyəti sərt tənqid edən keçmiş polis əməkdaşı, Naxçıvana qayıdarsa, cəzalandırılacağını ehtimal edir.