"Günün günorta çağı Abşeron rayonu Masazır qəsəbəsində yolun tam kənarında qanunsuz tikinti başladılıb". "DİA-AZ" xəbər verir ki, bunu öz etirazında jurnalist Pərvin Abışova ifadə edib.

Bakıda "Melissa Group"un özbaşınalığı fonunda müşahidə olunan ictimai qınağa rəğmən hələ də özünü "Bağdadın kor xəlifələri" kimi hiss edən "İNŞAAT HƏVƏSKARLARININ" olmasına diqqət çəkən jurnalist daha sonra aidiyyatı qurum və şəxsləri hərəkətə keçməyə çağırır.

Jurnalist yazır: "Günorta vaxtı ağırtonajlı yük maşınları torpaq daşıyır. Hansı rəylə, Ekologiya və Təbii Sərvətlər Nazirliyi?

Günorta vaxtı kamazların şəhərə daxil olması qanunidirmi, Dövlət Yol Polisi?

İçməli su xətti zədələnib, su yola axıdılır, ey Azərsu Açıq Səhmdar Cəmiyyəti...

Adıçəkilən qurumlar niyə baş verənləri görməzdən gəlir?"